Harkiv vilâyetiniñ telükeli rayonlarından tahliye olunğan insanlar, devlet içinde alınğan kişi statusını yañıdan ala ve ödemelerni yañıdan vesiqalaştıra bileler. Suspilneniñ canlı yayınında vitse baş nazir İrına Vereşçuk bu aqqında haber berdi.

 

«Vovçansk ve Lıptsiden zoraki tahliye çerçivesinde eki kere köçken insanlar, devlet içinde alınğa kişilerniñ ödemelerini ala bileler», – dep vitse baş nazir qayd etti.

 

Yerli akimiyet tarafıdan tizilgen tahliye olunğan insanlar cedveline kirsetilgen vatandaşlar aqqında laf etemiz.

 

Harkiv vilâyetiniñ zoraki tahliye ilân etilgen meskün yerlerinden öz başına köçken vatandaşlarnı şu cedvelge kisetmek içün Harkiv VAMniñ ealini içtimaiy qorçalav bölüginiñ sıcaq hattına hitap etmek kerek: (066) 283-41-43.

 

Devlet içinde alınğan kişi statusını yañıdan almaq içün Memuriy hızmetler merkezine ya da qabul etilgen cemaatnıñ ealini içtimaiy qorçalav idaresine hitap etmek kerek.

 

Hatırlatamız ki, yetişken DAK içün devletten para yardımı – 2000 grivna/aydır. Bala, qart olğan ya da saqatlı devlet içinde alınğanlarnıñ yardımı ise 3000 grivna/aydır. Böyle yardım 6 ay devamında berile.