BMTnıñ Maliyeviy nezaret hızmetiniñ (FTS) bilgilerine köre, Ukrainadaki gumanitar teşkilâtlar tahminen 3 mlrd amerika dolları aldı. Bu, soranğan miqdarnıñ tahminen 75%-idir.

Amerika Qoşma Ştatları paranıñ deyerli 40%-ini berdi. Avropa eyyeti, Almaniya, Kanada, Britaniya fevqulâde vaziyetler eyyeti ve Yaponiya büyük yatırım yaptılar.

Bundan ğayrı, 482 şahsiy donor da Ukrainadaki gumanitar qarşılıqqa tahminen 1,6 mlrd amerika dolların ayırdı.

Alınğan paranıñ 1 mlrddan ziyade amerika dolları, cenk neticesinde zarar körgen ukrainalılarnıñ çeşitli kategoriyalarına para yardımını ödemek içün üleştirildi. Daa 727 mln amerika dolları aşayt yardımına, 237 mln amerika dolları ise sağlıq leyhalarına ve 234 mln AQŞ dolları – devlet içinde alınğan kişiler içün meskün abadanlaştırmağa ve olar içün ilk kereklik eşyalarnı almağa üleştirildi.

BMTnıñ gumanitar meseleler baş kâtibiniñ muavini Martin Griffitsniñ sözlerine köre, kelecek sene BMT Ukrainadaki gumanitar teşkilâtlarğa rekordlı 5,7 mlrd AQŞ dollarını bermege teklif ete. Bu, Ukrainadaki cenk sebebinden olğan gumanitar buhrannı azlaştırmağa yardım etecek.

Cenk başlağandan berli Reintegratsiya nazirligi, daa çoq insannıñ soñ derecede müim yardım alması içün gumanitar cemaatnen faal olaraq işdeşlik yapa. Şu anda nazirlik UNHCR, OCHA, WFP, UNICEF, IOM, ICRC ve başqa halqara gumanitar operatorlarnen orta leyhalarnı yerine ketire.