Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, Davıd Arahamiyanen çekkeni öz video hitabında “Azovstal”dan tahliye aqqında haberdar etti

«Kerçekten olmasını pek istey edik. Ve sessizligimiz, tek insanlarnı sağlam çıqarmaq içün edi», – dep memur añlattı.

O, vatandaşlarnı işğalcilerniñ içtimaiy ağlarda yazğanları er şeyge inanmamağa, ukrain akimiyetini diñlemege ve oña işanmağa çağırdı.

«Bugün yüzden ziyade insan tahliye etildi. Operatsiya devam etmektedir. O, Ukraina Prezidenti Volodımır Zelenskıynıñ kontrolı, BMTnıñ Baş kâtibi Antoniu Ğuterreşniñ ve Qırızı Haç Halqara eyyetiniñ vekilleriniñ ortaq ğayretleri yardımınen mümkün oldı. Bunıñ içün olarğa çoq teşekkür bildiremiz», – dep İrına Vereşçuk ayttı.

Tafsilâtlarını daa soñ añlatmağa söz berdi.