Bugün esirlerniñ daa bir deñişmesi keçirildi. Azat etilgen mudafaacılar arasında 70 erkek ve bir qadın. Esirden azat etilgen daa 4 qadın tınç yaşağan vatandaşıdır.

Şu cümleden, Ukraina Silâlı Quvetleriniñ 37 vekili,  Arbiy-deñiz quvetleriniñ 13 askeri ve Ava quvetleriniñ eki vekili, 21 milliy gvardiyacı, yedi sıñırcı ve altı topraq mudafaacısı muvafaqiyetnen azat etildi.

Esirlikten azat etilgenler arasında Zmiyinıy adasını qorçalağanlar, Çernobıl AESnı qaravul etkenler ve Mariupol mudafaacıları bar.

Ukraina Prezidenti Volodımır Zelenskıynıñ emrinen Prezident Ofisi, Ukraina Mudafaa Nazirliginiñ İstihbarat Baş İdaresi ve Ukraina Telükesizlik Hızmeti, İİN, Reintegratsiya nazirligi ve başqa müessielerniñ yardımınen deñişme keçirildi.

ReNazirligi uzurında Milliy malümat bürosı (MMB), esirlikten azat etilgen insanlarnı adetince ilk kerekli eşyalarnen arqa çantaları, aş, urba, ayaqqabı, gigyena eşyaları ve cep telfonınen temin etti.

Bundan ğayrı, MMB esirlikten azat etilgen insanlarğa vesiqalar, bank esapları ve sim-kartlarnı yañıdan almağa yardım ete. Ve olarnıñ devletten 100 biñ grivnalıq bir kerelik para yardımını almaları içün ozğaruv temin ete.

Bugünki askerlernen deñişme – rusiyeniñ tolu miqyaslı tecavuzından soñ 52-ncidir. Böylece umumen işğalcilerniñ esirliginden endi 3210 Ukraina qorçalayıcısı azat etildi.