Umumen Rivne vilâyetine 4 tahliye treni ketecek: bozarğan aynıñ 3., 11., 19. ve 27. künleri. Keçken afta olğan vitse baş nazir İrına Vereşçuknıñ başlığınen Cenkiy vaziyet şartlarında ealiniñ zoraki tahliyesini keçirüv meseleleri idare ştabınıñ oturışında bu aqqında haber berdiler.

Rivne vilâyet arbiy memuriyetiniñ vekili qayd etti ki, tahliye etilecekler içün vaqtınca yaşayış yerlerinde tahminen 270 boş yer bar. VYYniñ kemligi olsa, şahsiy mesken sicili qullanılır. Bundan ğayrı, vilâyette aile türlü bala evleri içün 2 bina abadanlaştırıldı.

İrına Vereşçuk UNICEFniñ vekillerine tahliye etilecek balalarnı detsek etmege ve bunı yapmaq içün VAMnen kommunikatsiya qurmağa ricasınen muracaat etti.

«Tahliye etilecek ealiniñ yerleşecekleri yerde uyğun içtimaiy astyapınıñ olması müimdir. Bundan ğayrı, insanlar yañı yerde olarğa yardım ve destek eteceklerini añlamalılar», – vitse baş nazir qayd etti.