Onıñ esas maqsadı – yanı iş yerlerini yaratıp, Ukrainanıñ iqtisadiyatını destek etmek, ealiniñ kritik şekilde müim mallar ve hızmetlerge ihtiyacını qanaatlendirmektir. Halqara migratsiya hızmeti (HMH) bu aqqında haber berdi.
Aşağıdaki leyhalar çerçivesinde mikro- ve kiçik biznesge destek berile:
- «Yaşayış qabiliyeti+: devlet içinde alınğan kişiler ve cenkten zarar körgen insanlarnıñ iqtisadiy integratsiyası”. KfW İnkişaf bankından Almaniya Federal iqtisadiy işdeşlik ve inkişaf nazirligi (BMZ) onı maliye ete.
- «Ukrainanıñ dayanıqlı ve inklüziv cemaatı”. Yaponiya Ükümeti onı maliye ete.
- «Cemaatnı yañıdan yaratuv: Sumı vilâyetinde semereli iqtisadiy ve köy hocalığı boşluğını yaratuv”. Ukrainanı yañıdan quruv fondu onı maliye ete.
Sumı, Kıyiv (Kıyiv şeerinden ğayrı), Çernihiv, Dnipropetrovsk, Mıkolayiv, Lviv (Lviv şeerinden ğayrı) ve Çernivtsi vilâyetlerinde yerleşken müessieler ariza yollay bileler.
Aşağıdakilerge prioritet berilecek:
- cenkten zarar körgen, bozulğan, viran etilgen ve köçken müessiseler;
- başı qadın, yaş insan olğan müessiseler;
- faaliyeti ealiniñ zayıf gruppasına yardım etken müessiseler;
- köy yerlerindeki müessiseler.
Grantnıñ azamiy fiyatı (BMTnıñ kursına köre grivnada):
- Mikro müessiseler içün – 7 biñ AQŞ dollarına qadar.
- Kiçik müessiseler içün – 20 biñ AQŞ dollarına qadar.
Konkurs iştirak etmek içün bağlantığa basıp,2024 senesi bozarğan aynıñ 23. künü daat 18:00ge qadar iştirak formasını toldurıñız.
Tafsilâtları mında.