Ukraina Nazirler Kabinetiniñ 2024 senesi kiçik aynıñ 27. künü 212. “Ukrainanıñ mustaqilligi, suvereniteti ve topraq bütünligini qorçalağan ayrı insanlarğa tiş protezleştirüvine dair deñev leyhasını yerine ketirüvnen bağlı bazı meseleler” qararıne deñişmeler aqqında laf etemiz.

 

Arbiy areketler iştirakçileri, cenk neticesinde saqatlı insanlar ve arbiy areketler iştirakçisi statusını alâ daa almağan, lâkin arbiy vazifelerni yapmağa devam etken askerler bedava tişçilik hızmetlerini ala bilirler.

 

Tişlerni plombalaştıruv, alıp çıqaruv ya da yañıdan quruv kibi tişçilik hızmetleri aqqında laf etemiz.

 

Sene devrinde bir kere böyle hızmet almaq mümkün, umumiy fiyatı ise 24 952 grivnadan çoq olmamalı.

 

Veteranlar nazirligi, bu ihtiyaclarğa 1 milliard grivna üleştirecek.

 

Bu nasıl çalışır?

 

Ukraina Milliy sağlıq hızmeti, leyhada iştirak etmege istegen tibbiy müessiseler içün añlaşma formasını azırlaycaq.

 

Bedava hızmet almaq içün veteran ya da arbiy areketler iiştirakçisi, böyle añlaşmanı izmalağan müessisege hitap etmeli.

 

Aynı zamanda añlaşma imzalağan müessiseler, bu kibi hızmetlerge tazminat alacaqlar.

 

Ukraina Veteran işleri nazirligi ve Ukraina Sağlıq nazirliginiñ mütehassısları vesiqanı azırladılar.

 

Vitse baş nazir İrına Vereşçuknıñ başlığınen veteran siyaseti meseleleri oturışlarında bu mesele baqıldı.

 

Vitse baş nazir bu vesiqanı azırlamağa yardım etkenler, Veteranlar nazirligi, Sağlıq nazirligi, Ukraina Mudafaa nazirligi ve Maliye nazirligine teşekkür bildirdi.