2022 senesi orta küz ayında Hersonğa ukrain qarşı ücüminden evel ruslar, yerli bala evinden 46 balanı alıp sürgün ettiler. Olarnı Aqmescit şeerine yollap, eki bala evlerine yerleştirdiler. 

New York Timesniñ araştırmasında böyle malümat qayd etildi.

Cinayetçiler, ukrain balaları içün rusiye vatandaşlığını aluv ceryanını qolaylaştırğan putinniñ emrine binaen areket ettiler.

46 sürgün etilgen baladan tek yedisi Ukrainağa qayttı, bir balası öldi. 19 ay keçti, balalar büyügenleri sebebinden olarnı identifikatsiya etüv ceryanı zorlaştı.

Buña köre Halqara cinaiy makemesniñ Baş prokurorı putin ve rusiye bala aqları temsilcisini bütün Ukrainadaki bala evlerinden eñ az yüz balanı qanunsız olaraq alıp ketmege qabaatlap, tevqif etmege emir etti.