Danimarka Qızıl Haçı ve Danimarka Tış işleri nazirliginiñ yardımınen Ukraina Qızıl Haç Teşkilâtı forumnı teşkil etti.

Anda HGUnıñ ukrain ve halqara mütehassısları iştirak eteker. İştirakçiler arasında Halqara Qızıl Haç Eyyeti, devlet akimiyetiniñ organları, halqara teşkilâtlar, ecnebiy elçilikler, oquv yurtları ve cemaat teşkilâtlarınıñ vekilleri bar ediler.

Tedbir halqara gumanitar uquq meselelerine alâqası olğan Ukraina devlet müessiseleriniñ vekilleri içün keçirile. Üç kün devamında olar taqdimatnen tanış olacaq, fikir alış-verişini yapacaq ve oquycaqlar.

Vitse baş nazir İrına Vereşçuk tedbirniñ iştirakçilerini hayırlap, halqara gumanitar uquqnıñ esas maqsadı cenk vaqtında insanlarnıñ ayatlarını qurtarmaq olğanını qayd etti. Bugün ise, bizler onı ruslar tarafından bütünley bozulğanını köremiz.

«Bunıñ içün, bu cenk bitken soñ, onıñ qaideleri yañıdan yazmaq kerek. Şimdi Ukraina yañı HGUnıñ peyda oluvında buluna. O, bütün dünya közleriniñ ögünde Ukrainada olğan şeyler bir daa tekrarlanmasın dep olmalı”, – dep vitse baş nazir qayd etti.

Ukraina vitse baş naziri İrına Vereşçuk Ukrainada İdarelerarası halqara gumanitar uquq qaidelerini qullanuv ve ameliy etüv meseleleri eyyetniñ yolbaşçısıdır.