Olar 8 yaşından 15 yaşına qadar. Balalardan birine yañı rus adı berildi ve yaşı deñiştirildi, başqalarınıñ adı ise rus versiyasına uyğunlaştırıldı.

Balalar, Ukrainanıñ cenübiy ve şarqiy vaqtınca işğal etilgen topraqlarında bala evlerinden çıqarıldı. Şimdi olar, Rusiyeniñ farqlı bölgelerinde bulunalar: Tula vilâyetinde, Moskva civarında, Qazahistan sıñırınıñ yanındaki Orenburg vilâyetinde. Bir balanı vaqtınca işğal etilgen Qırımğa alıp kettiler.

Olarnıñ episiniñ tuvğanları ve qayğırıcıları bar, olar ise bulunğan yerlerini bilmey ediler.

Keçirilgen taqiqat, Rusiye tarafından halqara gumanitar uquqnıñ bozulması ve vaqtınca işğal etilgen topraqlarda cinayetlerniñ qayd etilmesine yardım etecek. Em de qabaatlılarnı mesüliyetke çekmege yol açacaq.