Bozarğan aynıñ 7-nde Vinnıtsâ şeerinde keçirilgen tedbirniñ neticeleri, vitse baş nazir İrına Vereşçuknıñ yolbaşçılığı altında Veteranlar siyaseti meseleleri oturışında aydınlatıldı.
Umumiy ukrain subeti veteranlar ve cemiyetler arasında kommunikatsiya maqsadınen keçirildi, böylece veteranlar siyasetini tek bölge seviyesinde degil de, yerli cemiyetlerde de ameliyatta qullanmaq mümkün olacaq.
Bunıñ içün, devlet, halqara ve cemiyet sektorlarından ğayrı, tedbirde 200-den ziyade cemiyetniñ vekii iştirak etti.
Şu neticelerden bazıları şulardır:
- 2023 senesi oraq ayınıñ 11-nde 702. qararınıñ qaideleri añlatıldı
Bu vesiqa bölgelerge ve yerli öz-özüni idare etüv organlarına veteranlar siyaseti saasındaki ayrı bölüklerni meydanğa ketirmege imkân bere, bu da veteranlar siyaseti astyapısınıñ inkişafına yardım etecek.
- Veteranlar ve mobilizatsiyadan qaytqan şahıslarğa destek kösterüv mütehassısınıñ vazifelerini belgileycek qarar taqdim etildi
Böyle mütehassıslar, veteranlarğa yardım etmekten ğayrı, olarnıñ ihtiyaclarını talil etip, bu malümatnı semereli veteranlar siyasetini şekillendirmek içün tarqata bileler.
- Cemiyetlerge yerlerde veteran boşluqlarını açmaq içün usuliyet tevsiyeleri berildi
Böyle boşluqlar, veteranlar ve olarnıñ tuvğanlarına qol tutuv ve imkânlarını arttırmaq içün kerçek bir alettir.
İrina Vereşçuk III. “Cemaat – veteranlarğa” umumiy ukrain subetiniñ teşkilâtçılarına ve iştirakçilerine semereli çalışqanları içün teşekkür bildirdi ve qayd etti ki, böyle kommunikatsiya sayesinde veteranlar siyasetini muvafaqiyetli ömürge keçirmek mümkün olacaq.