Saqatlılar, askerler, arbiy hızmet ve uquq qoruyıcı organlarınıñ veteranları ve ealiniñ başqa kategoriyaları programmanı qullana bileler.

 

Ukraina veteranlar fondu Facebook saifesinde bu aqqında haber berdi.

 

Programma çerçivesinde protez-ortopediya mahsulatları, şu cümleden ayaqqap, öz-özüni baqmaq ve baqmaq içün vastalar, areket etüv içün yardım vastaları ve ilâhre almaq mümkün.

 

Yardımcı reabilitatsiya vastalarını almaq içün kimlik vesiqası, eyyetniñ (adamnıñ kategoriyasına köre tibbiy-içtimaiy ihtisasiy, ekim-mesleat ya da arbiy ekim eyyeti) hulâsası, şahsiy reabilitatsiya programması ve başqa vesiqalarnı bermek kerek.

 

Bundan da ğayrı, tibbiy köstergiçlerge köre vastalarnı öz başına satın almaq mümkün, soñra ise İçtimaiy siyaset nazirligi tarafından tasdıqlanğan sıñır fiyatlarına köre fiyatını tazmin etmek mümkün.

 

Reabilitatsiya vastaları ya da tazminat ödemesi içün eali içtimaiy qoruv organları, Memuriy hızmetler merkezi ya da şahısnıñ elektron kabineti vastasınen arizalar bermek mümkün.

 

Qoşma malümatnı 0 800 332 029 nomerasından almaq mümkün.