Bu mesele vitse baş nazir İrına Vereşçuknıñ başlığınen keçirilgen mahsus oturışta muzakere etildi.

 

Ukraina tasil ve ilim naziri Oksen Lisovıynıñ aytqanına köre, Poloniya Cumhuriyetiniñ milliy tasil nazirliginen ükümetlerarası añlaşmanıñ leyhası azırlandı.

 

Söz sırası, vesiqa aşağıdaki suallernen bağlı olacaq:

 

• Poloniyadaki ukrain tasil merkezleriniñ tanınması;

 

• ekinci ecnebiy til olaraq ukrain tilini ögrenüv;

 

• ukrainşınaslıq qısmınıñ kirsetilmesi.

 

«Bu meselelerni çezmek içün çalışqan ve ecnebiy ülkelerde ukrainalılarnıñ tasil ihtiyaclarını qayğırğan er keske teşekkür bildirem. İş birligimizniñ ilk neticeleri endi bar», – dep vitse baş nazir qayd etti.