Soñ bilgilerge köre, 2503 namzetniñ anketası Yañıdan quruv yedeginiñ malümat-kommunikatsiya platformasında qayd etilgen. Olardan 2291-i endi qayd etilgen.

 

Devlet hızmeti meseleleri milliy agentliginiñ (DHMA) Facebook saifesinde bu aqqında haber berdiler.

 

Namzetlerniñ orta yaşı 32 ve 48 arasında. Çoqusı Qırım, Donetsk, Zaporijjâ ve Herson vilâyetlerinde kelecek işlerine emiyet bereler.

 

Teklif etilgen iş yönelişleri arasında sıq-sıq memuriy reberlik, devlet nezareti ve kontrolı, uquqiy teminat, qabarcılıqnı evelden yoq etüv saalarını saylaylar.

 

Şunı qayd etmek kerek ki, Yañıdan quruv yedegine alınğan er kesniñ ihtisas seviyesini arttırmaq imkânı bar. Ukrainanıñ çeşit bölgelerinde uzaqtan ve körüşüv formatları aqqında söz aytıla. Bilgiler idare portalında bunen bağlı ögrenüv programmaları yerleştirilgen.

 

Bundan da ğayrı, Yuqarı halq idare etüv mektebinde işğalden azat etilgen topraqlarnıñ idare etüvinen bağlı qısqa müddetli ihtisas yükseltüvi programmaları işlep çıqarıldı.

 

Bölge tasil merkezlerinde tasil almaq imkânları da bar. Anda 20-den çoq programma boyunca tasil almaq mümkün.

 

Eger siz de işğalden azat etilgen topraqlarnıñ ğayrıdan tiklenilüvine qoşulmağa isteseñiz ve kerekli tasilge saip olsañız, bağlantığa basıñız, sistemada qayd olıñız ve anketa toldurıñız.

 

Hatırlatamız ki, leyhanıñ idarecileri ReNazirligi ve DHMAdir.