Ukraina, Rusiye tecavuzcıları tarafından hırsızlanğan ukrain balalarını qaytarmaq içün devamlı çalışa. Vitse baş nazir İrına Vereşçuk 24 kanalına bergen intervyusında bunı qayd etti. Onıñ hatırlatqanına köre, al-azırda böyle balalarnıñ sayısı tahminen 20 biñdir.

İrına Vereşçuknıñ aytqanına köre, Ukraina olar aqqında malümatnı Europol, Avropa ve dünya institutları vastasınen qıdıra.

“Rusiye tarafından hırsızlanğan balalarnıñ cedvellerini halqara cemaatnıñ basqısı sebebinden almağa tırışamız, çünki istilâcı bir devlet olarnı bermey”, – dep memur añlattı.

“Halqara cemaat, balalarnı hırsızlağan Rusiyege qarşı sert sanktsiyalar kirsetmeli. O vaqıt olarnıñ qaytması daa tez olacaq”, – dep İrına Vereşçuk qayd etti ve cezalar epk sert olmaq kerek olğanını qoştı.

“Ruslar añlamaq kerekler: böyle siyaset devam etse, daa da sert cezalarğa oğraycaqlar”, – dep vitse baş nazir hulâsa çıqardı.