Ukraina Yuqarı Şurasınıñ İçtimaiy siyaset ve veteranlarnıñ aqlarını qorçalav meseleleri eyyetiniñ teşebbüsinen “Ukrainadaki demografik vaziyet: millet inkişafınıñ istiqballeri. Ukraina Demografiya agentliginiñ meydanğa ketirilmesi” mevzusında tögerek masa keçirildi.

 

Tedbirde halq mebusları, nazirliklerniñ ve başqa merkeziy akimiyet organlarınıñ vekilleri, Ukraina ükümetiniñ İnsan aqları vekâletlisi, kütleviy haber vastaları, ilmiy müessiseler, zenaat ve cemaat teşkilâtlarınıñ vekilleri iştirak ettiler.

 

ReNazirliginden tedbirde DAKniñ işleri müdirliginiñ yolbaşçısı İnna İvanova iştirak etti.

 

Şimdiki demografik vaziyetni ve 2040 senesine qadar Ukrainanıñ demografik inkişaf strategiyasınıñ leyhasını muzakere ettiler.

 

Bu mevzunıñ aktualligi Ukraina ögünde Rusiye Federatsiyasınen cenk başlağan soñ peyda olğan bir sıra demografik çağıruvlarnen bağlıdır. Şu cümleden, köçip kelgenler, çetelde yaşağan ukrainler ve ilâhre.

 

İçtimaiy ceetten zayıf olğan vatandaşlarnıñ ve cenkten zarar körgen vatandaşlarnıñ sayısı pek arttı. Veteranlar ve olarnıñ qorantalarına ayrı diqqat ayırıldı.

 

Tögerek masa vaqtında ReNazirliginiñ vekili qayd etti ki, DAKge qol tutuv devletniñ demografik siyasetiniñ müim qısmıdır. Nazirlik tarafından devlet DAK siyaseti strategiyası ve onıñnen bağlı ameliy plan tasdıqlandı.

 

Devlet içinde köçip kelgenler ve çetelde yaşağan ukrainalılar Ukrainanıñ insan sermiyasınıñ müim bir qısmı olalar.