Vitse baş nazir İrına Vereşçuknıñ yolbaşçılığında er aftalıq veteranlar siyaseti meseleleri oturışında elâk olğanlarnıñ aileleriniñ azaları ve veteranlar içün vesiqalarnı aluv meselesi baqıldı.

 

Muzakerelerde Baş ştab, Merkeziy arbiy-tibbiy eyyet ve başqa mütenasip müessiselerniñ vekilleri iştirak ettiler.

 

Meselesi şunda ki, bazıda qorçalayıcılar ve cenk veteranlarınıñ qorantalarınıñ azaları statusını almaq içün altı aydan çoq vaqıt beklemege mecbur olalar. Bu ise, ailelerniñ içtimaiy yardım ve kefaletlerden marum qalmasına ketire.

 

Çoqusı allarda bu statusnı almaq içün kerekli vesiqalarnı elde etüv vaqtı keç ola.

 

Bu, vesiqalarnıñ eñ büyük aqımı qayd etilgen bazı bölge VLKlarnıñ büyük yükü sebebinden ola. Şimdi eyyetlerni o qadar çoq işten boşatmaq içün hadimlerniñ sayısını arttırmağa qarar alındı.

 

Bundan ğayrı, sadeleştirmke ve qısqartmaq, em de hızmetlerarası idareni quvetleştirmker kerek.

 

“Qaramanlarımıznıñ qorantaları pek çoq qıyınlıqlarnen qarşılaşalar, bunıñ içün bu meselelerniñ episini acele çezmek kerek. Kerekli vesiqalarnı aluv ketişatı tez olmalı”, — dep İrına Vereşçuk qayd etti.