Bu, cebege yaqın topraqlardaki ealiniñ hassas kategoriyalarına gaz berüvnen bağlı deñev leyhasıdır.

Vitse baş nazir İrına Vereşçuk bu leyhanı idare ete.

Birinciden leyhanı tek Harkiv vilâyetinde yerine ketirmege planlaştırılğan edi. Amma vitse baş nazir leyhanı endi ihtiyaclarını belgilegen ve normativ aktnıñ leyhasına tekliflerini bergen Sumı ve Donetsk vilâyetlerine kenişletmege teklif etti.

Qayd etmek kerek ki, mütenasip qararnıñ leyhası Energetika nazirligi, ReNazirligi, vilâyet arbiy memuriyetleri, cebege yaqın cemiyetler ve başqa meraqlanğan iştirakçilernen birlikte azırlana.

«Gumanitar cevap olaraq, cebedeki eñ çoq zarar körgen vatandaşlarnı turmuş gazınen temin etmege isteymiz. Bunıñ içün Harkiv vilâyetinen sıñırlanmaycaqmız. Leyhanı Sumı ve Donetsk vilâyetlerine de tarqatacaqmız», — dep İrına Vereşçuk qayd etti.