Bu Kıyiv, Poltava, Hmelnıtskıy, Rivne, Çernivtsi, Vinnıtsa, Lviv, Harkiv ve Dnipropetrovsk vilâyetlerinde yapılğan leyha ve qurucılıq işleri.

 

Halqara tehnikiy yardım leyhalarınıñ amelge keçirilüv vaziyetini Nazirlerarası oturışnıñ iştirakçileri muzakere ettiler. Oturışnı vitse baş nazir İrına Vereşçuk keçirdi.

 

UFSİniñ VII., VIII., IX. “EU4Skills: Ukrainada tehnikiy-içtimaiy tasil sistemasınıñ astyapısınıñ yañartılması” ve “Şarqiy ortaqlıqta tehnikiy-içtimaiy tasil” aqqında laf etemiz.

 

Leyhalar Almaniyanıñ İqtisadiy işbirlik ve inkişaf federal nazirligi (BMZ) tarafından ğayrıdan quruv kredit müessisesi (KfW) vastasınen desteklengen.

 

Şu cümleden, UFSİniñ VII. leyhası çerçivesinde Harkiv vilâyetiniñ Novopokrovka köyünde aile tibbiyetiniñ umumiy ameliyat ambulatoriyası tamir etildi.

 

Bozarğan aynıñ başında yañıdan qurulğan ambulatoriyanıñ açılışı olıp keçti. Novopokrovsk topraq cemiyetiniñ vekili UFSİ, mütehassıs teşkilâtlar ve bu leyhanı ömürge keçirmege yardım etken er keske minnetdarlığını bildirdi.

 

“İlk-evelâ, bu işlerni yapmağa yardım etken alman halqına ve ükümetine minnetdarmız”, — dep vitse baş nazir qoştı.

 

Bundan ğayrı, UFSİniñ VIII. leyhası çerçivesinde Dnipropetrovsk vilâyetiniñ Slobodjansk köyünde İlk tibbiy-sanitar yardım merkezi açılmağa azırlana. Anda qurucılıq işleri yekünlendi, sığınacaqnıñ teminatı de aman-aman bitirildi.