![](https://minre.gov.ua/wp-content/uploads/2024/07/img_0407.jpeg)
İnsannıñ duşmanğa esir alınması aqqında malümatnı yalıñız devlet organlarına bildirmek kerek, dep hatırlata ReNazirliginiñ Milliy malümat bürosı (MMB).
Esir alınğan adam aqqında mümkün olğanı qadar çoq malümat toplamaq kerek. Bu cümleden, onıñ tuvğanları, şaatları, qorantası ve içtimaiy ağlardan malümat toplamaq kerek.
Bütün toplağanıñız malümatlar aşağıdaki yerlerge bildirmek kerek:
- MMBnıñ 24 saat işlegen 16-48 sıcaq hattına (çetelden insanlar içün +38 (044) 287-81-65) ya da Telegram ve Viber çat-botları vastasınen. Ya da [email protected] elektron poçtasına yazıp, Facebooktaki messegcer ya da büronıñ saytında onlayn formanı toldurıp.
- Cenk esirlerinen tutuv meseleleri idare ştabı. Mesleatlar içün 0 800 300 529, çetelden telefonlar içün +38 (044) 390-43-90.
- Ukraina havfsızlıq hızmetiniñ yanında çalışqan Ukrainağa qarşı tecavuz neticesinde azatlıqtan marum etilgen ve cenk esirlerini qıdıruv ve azat etüv meseleleri birleşken idare merkezi. Sıcaq hatınıñ telefonları: (044) 321-11-21 ve (098) 321-11-21.
Bundan da ğayrı, merkezniñ nomerasına muracaat etmek mümkün: (067) 650-83-32 (WhatsApp, Telegram, Viber).
Bundan başqa, Milliy polis bölügine ariza yazmaq kerek.
Uquq qorçalayıcı organları şunı hatırlatalar: esir alınğan, qanunsız azatlıqtan marum etilgen şahıslar aqqında malümat ve şahsiy bilgilerni vekâletli olmağan teşkilât ve şahıslarğa, em de anonim menbalarğa bermemek kerek.