![](https://minre.gov.ua/wp-content/uploads/2024/07/img_0433.jpeg)
Cenkten zarar körgen Harkiv vilâyetiniñ sakinleri, “Harkivniñ tınç kökü” hayriye fondundan gumanitar gigiyena tertibatları şeklinde yardım aldılar.
Böyle yardımnıñ büyük qısmı, Romaniya Halqara munasebetler nazirliginiñ desteginen vitse baş nazir İrına Vereşçuk, Harkiv VAM ve Avropa Birliginiñ vatandaş qoruv mehanizminiñ işbirligi yardımınen berildi.
Hatırlatamız ki, Avropa Birliginiñ Vatandaş qoruv mehanizmi – Avropa Birliginiñ aza memleketleri ve 10 ortaq memleketniñ, şu cümleden Ukrainanıñ, işbirlik sistemasıdır. O, halqara yardımnıñ idaresi vastasınen fevqulâde vaziyetlerniñ ögüni almaq ve olarğa qarşılıq köstermege yardım ete.
Gumanitar yardımnı Mala Danılivka, Dergaçiv, İzüm, Zoloçiv, Tsirkuniv, Pisoçinsk ve Novopokrovsk cemiyetleriniñ 5,5 biñ sakini aldı.
Bundan ğayrı, Harkivniñ içtimaiy hızmet merkezleri ve vaqtınca yaşağan yerlerinde 9,7 biñ zarar körgen insanğa ve devlet içinde köçip kelgenlerge yardım berildi.