![](https://minre.gov.ua/wp-content/uploads/2024/07/img_0451.jpeg)
“People.ua” gençlik tasil-kommunikatsiya boşluğı — VİETdan gençler içün yañılıq-icadiy boşluğıdır. Merkez genç köçip kelgenlerge şahsiy inkişaf, ictimaiy faaliyetke qoşulmaq imkânlarını bere.
Gençlik merkezi Melitopolden köçürildi. Onıñ açıluvı “People.ua” cemaat teşkilâtınıñ grant leyhası, Ukrainada Birleşken Milletler Teşkilâtınıñ İnkişaf Programması yardımınen, “EU4Recovery” leyhası çerçivesinde Avropa Birliginiñ maliyeviy desteginen ve Zaporijjâ VAM, em de Melitopol şeer şurasınıñ desteginen mümkün oldı. Leyha, o vaqıt Melitopol şeeriniñ yolbaşçısı olğan İvan Fedorovnıñ şahsiy desteginen inkişaf ete edi.
Merkezniñ esas faaliyeti gençlik siyasetiniñ inkişafı, gençlerniñ icadiy potentsialınıñ desteklenmesi, tasil treningleri, seminarlar, oquv programmalarınıñ keçirilmesi, raatlanuv, milliy-vatanperverlik tedbirleriniñ teşkil etilmesi ve gençlerde milliy kimlikniñ şekillenmesine doğrultılğan.
Gençlik merkezinde ukrain medeniyeti, tili ve edebiyatını populârlaştırğan 300-den çoq ukrain tilinde kitap serbest irişimde olğan ukrain kimligi merkezi yerleşken.
Onıñ esasında gençler ve balalar icadiy inkişaf ete bilecek sanat mektebi de çalışa. Şu cümleden, solo yırlamağa, fortepiano, gitara ve başqa muzıka aletlerini çalmağa ögrenmek mümkün.
“Zaporijjâ VAM ve şahsen İvan beyniñ yardımınen bizim VİETdan gençler içün mükemmel bir merkezimiz bar. Bu kerekli bir şey”, – dep İrına Vereşçuk qayd etti.