Ukraina Vitse baş naziri İrına Vereşçuk añlattu ki, yarın saat 17:00de avtobuslarnıñ Port Sitige kelmesi planlaştırılır. Olar insanlarnı Bezimennege ketirecekler. Anda bu sutun, Zaporijjâ ketecek sutunğa qatılacaq.

Daa o, şu anda tahliyeniñ ne içün zoq olğnanını ve tüm mariupollılarnıñ ne sebepten ketemegenlerini añlattı: duşman, tınç rejimini muntazam tarzda boza edi.

“Bugün biz grajdanlarnın Azovstaldan tahliyesini haberdar ettik. Qaytqanda Port Sitideki insanlarnı almalı edik, – dep İrına Vereşçuk haberdar etti. – Yazıq ki, yetiştirmedik. Çünki bütün kün boyunca sutun Azovstal yanında turmağa mecbur edi. Anda küreşler ve diger tarikler oldı. Duşman, ateş bitirme rejimini er vaqıt boza edi. Bunıñ içün tahliye pek yavaş keçirile edi”.

Aynı zamanda, Vereşçuknıñ haberdar etkeni kibi, bugün Azovstaldan 50 qadın, bala ve yaşlı muvafaqiyetnen tahliye etildi.

“Yarın saba tahliye operatsiyasını devam etecekmiz! Er şey muvafaqiyetli olacaq. Saat 17:00de Port Siti yanında toplayıq. Dayanıñız!” – dep Vitse baş nazir çağırdı.