Bugün vitse baş nazir Ternopolde keçirilgen «Veteranlar – evge yol: veteranlarnıñ aqlarını qorçalav ve ihtiyaclarını qarşılav saasında cemaat imkânları» forumınıñ onlayn iştirakçilerini hayırladı.

Tedbirni Yuqarı Şuranıñ içtimaiy siyaset ve veteranlarnıñ aqlarını qorçalav eyyeti, «Ukrainanıñ reabilitatsiya küçleri» fraktsiyalarara parlament birleşmesi, USAIDniñ Şura: kelecek nesil» programması yardımınen ve Ternopil vilâyet arbiy memuriyeti ve Ternopil şeer şurasınen işbirlikte teşkil ettiler.

Forumnıñ maqsadı – milliy ve yerli seviyede veteranlar siyasetiniñ yañı çezimlerini tapmaqtır. Bundan da ğayrı, muzakereniñ mevzusı veteran işinde müsbet tecribe ve veteran siyasetiniñ meseleleri boyunca normativ teşebbüslerni baqmaqtır.

İrına Vereşçuk öz çıqışında veteran siyaseti saasında çalışqan bütün halq mebuslarına teşekkür bildirdi. Şu cümleden, Ğalına Tretâkova, Taras Tarasenko, Anatoliy Ostapenko, Yevgeniya Kravçukqa teşekkür bildirdi.

«Veteran siyaseti aqqında aytqanda, mebuslarnıñ işini qayd etmege isteyim. Soñ vaqıtlarda veteranlar saasında müsbet dinamikanı kördik. Bu halq mebuslarımıznıñ da ğayreti sayesinde olıp keçe», — dep mebus qayd etti.

«Bizim memleketimizde “veteran külti”ni şekillenmek kerek. Veteranğa ürmet köstermek aqqında aytam. Bu tek sözler degil de, muayyen areketler olmaq kerek», — dep İrına Vereşçuk hulâsa çıqardı.