![](https://minre.gov.ua/wp-content/uploads/2024/07/photo_2024-07-24_12-59-33.jpg)
Krıvıy Rih Mudafaa şurasınıñ başı Oleksandr Vilkulnen beraber vitse baş nazir İrına Vereşçuk Krıvıy Rih hastahanelerinden birinde Veteranlarnıñ tibbiy reabilitatsiya Merkezini ziyaret etti.
Bu Ukrainada arbiy hızmetçiler içün ilk reabilitatsiya merkezlerinden biridir. 2022 senesinden başlap, biñlerce asker bu merkezde tibbiy reabilitatsiyadan keçti.
Reabilitatsiya hızmetleri bedava ve Ukrainanıñ Milliy sağlıq hızmeti tarafından tibbiy kefalet programması çerçivesinde tolusınen ödene.
Merkezde tibbiy mütehassıslarnıñ çoq saalarda ihtisaslı taqımı çalışa.
Veteranlar içün reabilitatsiya merkezinde dünya standartları boyunca zemaneviy tibbiy donatmalar qoşulacaq. Donorlar Çehiya ükümeti ve Rotary International (Kanada ve İsveçiya) oldılar.