Mobil memuriyet hızmetleri yük maşnaları ve mobil çantalar (hizmet köstermek içün donatılğan kompakt çantalar) esasında transformator ofisleri yardımınen berile.

Mobil ofisler kerekli tehnikanen donatılğan. Az areket etken ealige irişimni temin etmek içün maşinalar ramplarnen donatılğan.

“Mobil idareci” hızmeti, ariza bericiniñ qayd etilgen ya da kerçek bulunğan yerine köre bedava yol hızmetini taqdim ete.

Hızmetten cenk areketleriniñ iştirakçileri, saqatlar, çoq balalı qorantalar, 75 yaşına yetken, elâk olğan Ukraina qoruyıcıları, ğayıp olğan ve esir alınğan askerlerniñ qorantalarınıñ azaları faydalana bileler.

Çıqış cedveli şeer şurasınıñ saytında ve “Visa” merkeziniñ veb portalında bar.

“Mobil visa” leyhası şeer şurasınıñ teşebbüsinen 2017 senesi kirsetilgen edi. Hızmetniñ başlanuvından berli mobil idare hızmetleri aman-aman 29 biñ insanğa berildi.

Vitse baş nazir qayd etti ki, mobil memuriy hızmetler cenkiy vaqıtta pek müim bir alettir.

“Mobil hızmetler veteranlar ve olarnıñ qorantaları içün pek yahşı bir çaredir. Bu ameliyatnı başqa bölgelerge da tarqatmaq kerek”, – dep İrına Vereşçuk qayd etti.