Milliy malümat bürosınıñ uquqiy mesleatçısı Svâtoslav Lındük, Topraq mudafaası quvteleriniñ habersiz ğayıp olğan ve esir etilgen askerleriniñ ailelerinen körüşüvde iştirak etti. Tedbir Ombudsmannıñ Ofisinde olıp keçti.

Esir etilgen askerlernen tutuv meseleleri idare ştabu, İçeri işler nazirligi, Ukraina Havfsızlıq hızmeti, Ukraina Silâlı Quvetleriniñ Baş ştabı, Milliy polis, Halqara Qızıl Haç Eyyeti ve USQniñ Topraq mudafaası quvetleriniñ vekilleri, askerlerniñ aileleriniñ suallerine cevap berdiler.

Aşağıdaki meseleler muzakere etildi:

• Halqara Qızıl Haç Eyyetiniñ faaliyeti ve onıñ cedvellerni işlevi;
• rusiyeniñ halqara gumanitar uquqnıñ qaidelerini bozması, şu cümleden esir etilgenlerni azaplaması;
• deñiştirilgen mudafaacılarnen işke cenk makemecilerini celp etüv;
• Ukraina Milliy polisiniñ taqiqatçılarınen kommunikatsiya;
• deñüv cedvellerini şekillendirüv ceryanı ve başqa meseleler.

MMBnıñ vekilleri iştrakçilerge hatırlattılar ki, Milliy malümat bürosı, şöyle menbalardan esir etilgen ukrainalılarnıñ bilgilerini toplap, onı işley ve İdare ştabına yollay: vastasız Halqara Qızıl Haç Eyyeti, esirlikten (soruvğadan) fotoresimler/videolar, esirlikten azat etilgenlerniñ sözleri, arbiy qısımdan malümat, HQHEden berilgen esirlikten mektüpler.

Şu cümleden, 1648 nomerasına (çetel ülkelerinden telefon etmek içün +38 (044) 287-81-65) telefon etip, ya Telegram ya da Viber vastasınen beyanat yazıp, Milliy malümat bürosına bu malümat haber bermek mümkün.

Bundan ğayrı,  [email protected] elektron poçtasına mektüp, Facebook saifesiniñ messengerine yazıp ve saytta onlayn formasını toldurıp bunı yapmaq mümkün.