Tecavuzcı bir devlet tarafından deñiştirilecek (azat etilecek) ukrain vatandaşlarınıñ cedveliniñ içtimaiy ağlarda peyda olğanı içün Milliy malümat bürosı aşağıdakini bildire.

Tecavızcı bir devletniñ rsirlikte tutqanı istisnasız tüm askerlerge ve grajdan kişilerge, bağlanamağanlarğa ve habersiz ğayıp olğanlarğa dair malümat ve bilgiler, Milliy malümat bürosınıñ siciline kiretilir. Sicillerinde mevcut olğan tüm malümat, esirlerniñ tapılmasını ve azat etilmesini koordinatsiya etmek içün, em de deñişmeler ve azat etilme aqqında aytışmalarda qullanılır.

Deñiştirilmeli ve azat etilmeli olğan kişilerge dair iç bir prioritet yoq.

Qayd etemiz ki, ne Arbiy esirlerine tutma meseleleri koordinatsiya ştabı, ne Ukraina Telükesizlik Hızmeti, ne Ukrainanıñ vaqtınca işğal etilgen topraqlarınıñ reintegratsiya meseleleri nazirligi, ne Milliy malümat bürosı, ne de başqa bit devlet organı ve müessisesi, deñiştirilmeli (azat etilmeli) olğan ukrain vatandaşlarınıñ cedvelini yayınlar.

Ayrıca diqqatıñıznı celp etemiz ki, Facebook ağlarında yayınlanğan cedveller ne şekline, ne de añlatma tiline köre, ukrain devlet organları tarafından teşkil eter, yollanır ya da yayınlanır.

Bu tür beyanatlarğa iç bir şekilde qarşılıq körtermemege rica etemiz, çünki olar, tecavuzcı bir devletniñ cenkiniñ parçasıdır.

Ruhiy raatlığıñıznı saqlañız ve resmiy olmağan menbalardan kelgen malümatqa inanmañız.

Belli olmağan menbalardan beyanatlarnı alğanda bu tür vaqialar aqqında Ukraina Milliy politsiyasını ve onıñ kiberpolitdsiyasını haberdar etiñiz.

Habersiz ğayıp olğanlar, arbiy esirler, sürgün etilgen balalar, öldürilgrnniñ tapılmasına dair malümatnı almaq ya da tafsilâtlıca ögrenmek içün Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ 24 saat işlegen “Buhran meseleleri sıcaq hattı”na muracaat etiñiz: 1648.