Ukraina Vitse baş naziri İrına Vereşçuknıñ ve Zaporijjâ vilâyet arbiy memuriyetiniñ yardımınen ve Ukrainadaki Qırımızı Haç Teşkilâtınen beraber “Azobstal”dan tahliye etilgen Mariupolnıñ 46 sakini şu anda Bukovelde sağlığını tüzete.

Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ koordinatsiyasınen “Azovstal”dan tahliye etilgen mariupollılarğa, blokadada ve muntazam ateşler astında eki ay yaşağan soñ sakin ve oñaytlı tarzda sağlığını tüzete bilmeleri içün, er taraflı kerekli yardım ve ruhiy destek berilir.

Bugün yerli icra akimiyet organlarınıñ vekilleri mariupollılarnı ziyaret ettiler. Anda insanlarğa devlet para yardımını, tibbiy ve tasil hızmetlerni almaq içün arizalarnı, DAK malümatnamesini ve diger kerekli vesiqalarnı acele tarzda vesiqalaştırmağa yardımcı oldılar.

Mariupollılar, telebeler içün oquv ceryanınıñ teşkil etilmesine dair mesleat ala bildiler. Daa insanlar, ilk kerekli eşyalarnen (urba, ayaqqabı, gigiyena eşyaları) gumanitar yardım aldılar.