![](https://minre.gov.ua/wp-content/uploads/2024/07/img_0127.jpeg)
Bugün ükümet bunıñnen bağlı bir qarar aldı. O, Harkiv, Sumı, Donetsk ve Herson vilâyetleriniñ cebede bulunğan topraqlarında ealiniñ zayıf kategoriyalarına gumanitar yardım olaraq ballonlarda gaz berilmesinen bağlı deñev leyhasınıñ amelge keçirilmesini közde tuta.
Şu cümleden, vesiqada, halqara donorlar ve milliy yermay-gaz operatorlarından kelecek gumanitar yardımnıñ aluv ve tarqatıluv tertibi, em de kerekli tehnologik donatmalar aqqında söz yürsetile.
Aktnıñ leyhası Energetika nazirligi, ReNazirligi ve başqa meraqlanğan nazirlikler ve müessiselernen beraberlikte azırlandı. Onı, vitse baş nazir İrına Vereşçuknıñ yolbaşçılığında mahsus oturışlarda muzakere ettiler.
Akt azırlanıp qabul etilüvi, cenk areketleri keçirilgen topraqlarda ealiniñ yaşayışını temin etüv planını yerine ketirüv çerçivesinde yapıldı. Mütenasip Plan 2024 senesi bozarğan aynıñ 25-nde qabul etilgen Ükümetniñ 583-r qararınen tasdıqlandı.
Ükümetniñ bugünki qararı cenkte zarar körgen cemiyetlerge yardım etmek ve gaz tarqatma ağları yoq olğan ya da bozulğan ve elektrik energiyasınıñ uzun vaqıt devamında kesilüvi olğan meskün yerlerniñ yaşayışını ğayrıdan tiklemek içün yapıldı.