Cenkiy vaziyet şaraitinde ealiniñ mecburiy tahliyesi idare ştabınıñ azaları, vitse baş nazir İrına Vereşçuknıñ yolbaşçılığı altında keçken oturışta mütenasip qararnı qabul ettiler.

İdare ştabnıñ iştirakçileri bir ağızdan Donetsk vilâyetiniñ Pokrovsk rayonınıñ Tsukurıne, İllinka ve İzmayilovka köylerinden ana-babaları ya da başqa qanuniy temsilcilerinen balalarnıñ mecburiy tahliyesini desteklediler.

Telükesiz bölgelerge 60 kün içinde tahliye yapılacaq. Onı yerine ketirmek içün 1 qabul noqtası açılacaq.

Qayd etmek kerek ki, tahliye bedava yapıla. Telükesiz yerlerge çıqmaq imkânları aqqında mesleat almaq içün, Donetsk VAMniñ sıcaq hattına 0 800 408 911 nomerasına telefon etmek mümkün.

Tahliye etmek istegenler, ReNazirliginiñ 1548 sıcaq hattına muracaat ete bileler ya da WhatsApp/Telegram/Viber messengerlerine yaza bileler: (096) 078-84-33.