Böyleliknen, Çornobayivka cemiyetiniñ cebedeki köylerinden birinde qoranta ambulatoriyasınıñ toprağında stantsiyalı tişhane kabineti çalışıp başladı. O, ağız hastalıqlarınıñ teşkerüvi ve tedaviylenmesi içün bütün kerekli aletlernen temin etildi.

Tişhane odasınıñ açılışı vitse baş nazir İrına Vereşçuknıñ Herson vilâyetine iş ziyareti neticesinde olıp keçti.

Yerli sakinler ve qomşu köylerniñ sakinleri hızmetlerden faydalana bileler. Olarnı yerli akimiyet organlarınen imzalanğan añlaşma çerçivesinde Herson şeer tişhane poliklinikasınıñ tişçisi yapacaq.

Tişhane odası aftada üç kere çalışacaq – bazarertesi, çarşenbe ve cuma künleri saat 08:00-dan 14:00-ğa qadar. Tiş hızmetlerine talap artacaq olsa, qabul saatları arttırılacaq.

Herson vilâyetiniñ vitse baş nazir İrına Vereşçuknıñ yolbaşçılığı altında keçirilgen Herson vilâyetiniñ gumanitar cevap tedbirleri oturışında vazifeli şahıslar yapqan işleri içün teşekkür bildirdi.

“Bu teşebbüske qoşulğan er keske, şu cümleden Herson vilâyetiniñ arbiy memuriyetiniñ yolbaşçısı Oleksandr Prokudinge meseleniñ çezilüvinde yardım etkenleri içün teşekkürler bildirem. Birleşken ğayretler keyfiyetli neticeler berdi: endi sakinler tolu tiş hızmetlerini ala bilecekler”, — dep İrına Vereşçuk qayd etti.