Frenk BFMTV telekanalına intervyü bergende Ukraina Vitse baş naziri İrına Vereşçuk tasdıqladı ki, işğalciler ukrainalılarnı cinaiy olaraq mecbren sürgün eteler.

Vitse baş nazirniñ sözlerine köre, yüz biñlerce ukrainalı filtr lagerlerine mecburen ketirildi. Tek rusiyede endi 6,5 biñden ziyade bu tür lager yaratıldı.

“Bu, insanlıqqa, insan aqlarına qarşı ciddiy bir cinayet ve onıñ mıtlaqa uquqiy neticeleri olacaqtır!”, – dep İrına Vereşçuk qayd etti.

Onıñ sözlerine köre, deyerli 460 biñ ukrainalı rusiyege sürgün etildi. Bunlar, tek büyükler degil, balalar da, bu cümleden öksüz qalğan ve ana-babanıñ vasiyliginden ayırılğan balalar.

“Laf, 10 biñden ziyade bala aqqındadır. Olarnıñ qayda olğanlarını bilemiz. Olar mecburen çıqarıldı ve rusiyede tutula”, – dep memur hulâsa çıqardı.

O da başqa ülkelerniñ diplomatik müessiselerini rusiyedeki vatandaşlarımızğa körmesizlilikke oğratmamağa ve yardım etmege çağırdı.

“Rfnıñ topraqlarında bulunğan konsullıqlarıñızğa muracaat etem ve pek rica etem: sizge sürgün etilgen ukrainalılar muracaat etseler ve olarnı Ukrainağa qatarmağa rica etseler, lütfen olarnıñ ve bizim içün bunı yapıñız!”, – dep Vitse baş nazir çağırdı.