Onıñ adı “Şeref ve Ürmet. 2024 senesi cesürlik mirasçısı”. Teşkilâtçı ve reisi – halq meusı Anatoliy Ostapenko.

Tedbir Ukraina qorçalayıcılarınıñ hatırasını añmaq, cenk veteranları, olarnıñ qorantaları ve elâk olğan askerlerniñ ailelerine içtimaiy destekniñ aktual meselelerini muzakere etmek maqsadınen keçirildi.

İrına Vereşçuk teşkilâtçığa ve veteranlar siyasetinen oğraşqan ve Ukrainada keyfiyetli veteran ağlarınıñ qurulması içün ğayret etken er keske teşekkürler bildirdi. Onıñ aytqanına köre, olarnıñ şekillenmesinde bölge akimiyetiniñ emiyetli rolü bar.

“Bizler eñ yahşı qararlarnı yaza bilemiz, amma olar çalışmaz, eger mesüliyetli şahıslar olarnı yerine ketirmese, insanlar neticelerni körmese”, – dedi o.

Veteranlarğa qayğıruvnıñ ve elâk olğan qaramanlarğa ürmetniñ eñ güzel ifadesi olaraq vitse baş nazir memlekette keyfiyetli deñişmeler olğanını tüşüne. Veteranlarğa devletniñ esas qıymeti kibi yanaşılsa. Bütün meseleler, içtimaiy yardımdan başlap, protezlerge qadar, reabilitatsiyağa qadar ve vatandaşlıqqa muvafaqiyetli qaytuvğa qadar, kerekli derecede çezilgen soñ.

“Şunıñ içün Prezident ofisi, Parlament ve Ükümetnen beraber biz vilâyet arbiy memuriyetleri, topraq cemiyetleri ve veteran cemiyetleriniñ tekliflerini diñlemege azırmız. Eger olarnıñ teklif etken ameliy davaları semereli olğanını isbatlağan ve devlet seviyesinde miqyaslanuvğa muhtac olğan olsalar, – lütfen, biz olarnı quvançnen diñlermiz ve işke alırmız”, – dep İrına Vereşçuk hulâsa çıqardı.