Vitse baş nazir İrına Vereşçuk ReNazirliginiñ taqımınen beraber Kıyiv vilâyetine iş ziyareti yaptı. Ziyaretniñ maqsadı — devlet içinde köçken şahıslar içün mesken şaraitiniñ eyileştirüvi leyhası çerçivesinde obyektlerniñ ğayrıdan tiklev işleriniñ ketişatını teşkermek edi.

Leyha, ReNazirliginiñ yardımınen Almaniya Ükümetiniñ maliye desteginen amelge keçirile. Maliye ortaqı — KfW alman devlet bankı. Leyhanıñ idarecisi — Halqara migratsiya teşkilâtı (HMT).

İrına Vereşçuk, Kıyiv VAM, yerli akimiyet, KfW ve HMTniñ temsilcilerinen beraber obyektlerni baqıp çıqtılar. Bundan da ğayrı, olar yerli sakinler ve müessise teşkilâtlarınıñ vekillerinen körüştiler. Körüşüvlerde esas diqqat qurucılıq cedveline riayet etüv ve iş keyfiyetini temin etüv meselelerine ayırıldı.

“Bizim vazifemiz — insanlarnıñ evlerine qaytıp olmaları içün zarar körgen evlerniñ tez ve keyfiyetli tamir etilmesini teşkil etmek”, — dep İrına Vereşçuk qayd etti.