Frenk LCI telekanalınıñ canlı yayınında Ukraina Vitse baş naziri İrına Vereşçuk hulâsa çıqardı ki, şu anda Ukraina ve rf arasındaki aytışmalarnıñ baş ve tek mevzusı, “Azovstal”nıñ qıyın yaralanğan qorçalayıcılarınıñ tahliyesi içün gumanitar koridornıñ teşkil etilmesidir. Tek ayıtşmalarda añlaşqan ve bu insanlarnı qurtarğan soñ soñki aytışma adımları ola bilir.

«Tüşünem ki, “Azovstal” faciasınıñ cenkler tarihı kitaplarında XXI asırnıñ eñ büyük faciası olaraq qalmaması içün er şey yapmalımız, – dep İrına Vereşçuk ilân etti. – Dialog başlatmaq içün gumanitar koridorğa ihtiyacımız bar. Ve o olsa, qurtmağa istegen insanlar böyle bir fırsat olacaqlar. Tamam bu rusiyege bağlı, ve tamam bu aytışmalarnıñ mevzusıdır. Tek bunda soñ diger er angi bir adım aqqında laf etmek mümkün olacaq».

Aynı zamanda Vitse baş nazir hulâsa çıqardı: şu anda gumanitar koridorlarnı teşkil etmek pek zor, çünki rf tahliyeni istemey. O, tecavuzcığa “Azovstal”daki insanlarnı yoq etmege imkân bermemek içün dünya mediasınıñ temsilcilerini, halqara cemaatnı birleşmege çağırdı:

«Kerçekten de rusiye iç bir tahliye istemey. Er kes ve er şey yoq etmege planlaştıra. Tek siz, sayğılı jurnalistler, dünya cemaatı, medeniy dünyanıñ halqları, buña yol bermeysiñiz! Diqqatnı “Azovstal”ğa çekesiñiz ve bu, tecavuzcığa anda bulunğan er kesni bombardıman ve yoq etmege yol bermey. Veözüni qurtaramağan insanlarnı öldürmege izin bermemek bizim ortaq işimizdir».