Rus orduları Mıkolayıv vilâyetini boldurmağa devam eteler. Tünevin vilâyet merkezine ve diger meskün yerlerge ateşke tuttılar. Raketalardan biri sanayı zonasına mergin oldı. Ücümler neticesinde mesken evler, maşnalar, hocalıq odaları ve grajdan astyapı obyektleri bozuldı. Tınç yaşağan eali arasında yaralanğanlar bar.

Mayıs ayınıñ 13-ünden itibarınen

MIKOLAYOV VİLÂYETİ

Rus tecavuzından başlap 3,3 biñ grajdan obyekt ya qısmen bozulğan ya da tamamınen viran etildi.

Olarnıñ arasında:

• mesken fond obyektleri – 2,3 biñ;
• tibbiy müessisesi – 31;
• oquv müessisesi – 178;
• medeniyet müessisesi – 83;
• sanayı müessisesi – 28;
• yaşayış teminatı obyekti: gaz – 137, elektrik – 273, suv – 12, qızdıruv teminatı – 53;
• arbiy olmağan başqa obyektler – 184.

Şu anda vilâyetinde gaz ve elektrik teminatını yañıdan işletmek içün yañartma işleri devam eteler. 3,9 biñ qullanıcı gazsız qaldı. Baştan ve Mıkolayıv rayonlarınıñ 90 meskün yerinde (ekisinde qısmen) elektrik energiyası, suv ve kanalizatsiya teminatı toqtatıldı.

Bazı rayonlarda suv yetişmemezligi bar. Tehnikiy suv – turmuş ihtiyacları içün – yerli yanğın-qurtarma otrâdları berir. Tünevin boyunca 43 tonna suv ketirilip töktirildi.

Evelki kibi, göñülli tahliye devam ete. Umumen 21,3 biñden ziyade kişi vilâyetinden ayırdı. Eki afta boyunca mecburen devlet içinde alınğan kişilerniñ sayısı deyerli bir biñ beş yüz insan içün daa arttı. Olarnıñ 380-i vaqtınca yerleşme müessiselerinde buluna.

Tünevin FVDHniñ ast bölükleri, rus tecavuzınıñ neticelerini yoq etmek içün 16 kere çekildi. 6 patlayıcı şey tapılıp zararsız bir alğa ketirildi. Cenkniñ başlanğıcından olarnıñ umumiy sayısı 1,8 biñdir.

Ava sıcaq olğance yanğın küreşçileri, yanğınnı söndürmek içün daa sıq ketmege başladılar. Duşman ateşleri neticesinde ine yapraq üymeleri, terekler, çalılıqlar ve quru ot yanar. Misal içün, tünevin 9 yanğın qayd etildi, olarnıñ 5-i ise patlayıcı şeylerniñ patlanmasınıñ neticesidir. Yanğınlar, Mıkolayıvnıñ Korabelne ve İnhulsk rayonlarında oldı, bir qaç insan yaralandı.

Dercde, Mıkolayıv vilâyet devlet memuriyetiniñ resmiy Facebook saifesinden alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.