Onı Birleşken Milletler Teşkilâtınıñ qaçaqlar agentliginiñ (UNHCR) desteginen Norvegiya qaçaqlar şurası (NRC) teşkil etti. Bu BMTnıñ qaçaqlar hızmetiniñ saytında yazılğan.

İnstitut Ukraina ükümeti ve ortaqlarınıñ devlet içinde köçip kelgenler ve evleri zarar körgen ya da cenk neticesinde viran etilgen insanlar içün irişilir meskenniñ sayısını arttırmaq ğayretlerine qol tutacaq.

Bundan da ğayrı, İnstitut tedqiqat, talil ve yañılıq merkezleri olaraq çalışacaq. Hususan, umummilliy soravlarnı keçirecek, hususan eñ çoq zarar körgen rayonlarda içtimaiy ve başqa irişile bilir evlernen beraber bar olğan mesken fondunıñ malümatını toplaycaq.

Bu malümat, mahsus online platformanen toplanıp, milliy, yerli ve halqara ortaqlar tarafından mesken çezilüvleriniñ qıdıruvına yardım etecek.

Bundan ğayrı, Milliy mesken institutı Ukraina ükümeti yanında mesleat organı olaraq çalışacaq. O, şimdiki mesken qanunlarını ögrenecek, islâatlar boyunca mesleat destegini berecek ve mütenasip programmalarnıñ azırlanmasında iştirak etecek.