Şu anda mobil aphabe noqtaları leyhası Harkiv, Herson, Mıkolayiv, Çerkası, Çernihiv, Kıyiv, Ternopil, Rivne, Odesa ve Jıtomır vilâyetlerinde çalışıp başladı. “Ükümet online” Telegram kanalında bu aqqında haber etildi.

Mobil aphanelerde şunı almaq mümkün:

• retseptsiz berilgen ilâclar;
• retseptnen alınğan ilâclar (kağıt ya da elektron retseptleri);
• devlet tarafından qısmen ya da tolusınen ödenilgen “İrişilir ilâclar” programması ilâcları.

Mobil aphaneniñ çalışma cedvelini aile ekiminden ya da yerli akimiyetten ögrenmek mümkün. Marşrutlar cemiyetlerniñ ihtiyaclarına köre belgilene.

Hatırlatamız ki, 2023 senesi arman ayında Ükümet, ilâc satıcılarına mobil aphane noqtalarını açmağa izin bergen qarar qabul etti.

Böyle aphaneler, aphane noqtaları olmağan köy yerlerinde çalışa bile. Cenkiy vaziyet vaqtında ise — cebedeki topraqlarda da çalışa bile.