2022 s. mart ve aprel ayları arasında Ukrainanıñ şarqiy, şimaliy, cenübiy ve merkeziy vilâyetlerinden köçken DAKge yardım berilir.

Mayıs ayından aylıq devlet yardımını aşağıdaki kişi katigoriyaları ala bilirler:

• arbiy areketlreniñ olğanı ya vaqtınca işğal etilgen ya da qırşavlanğan (bloklanğan) topraqlardan köçken vatandaşlar;

• meskeni viran etken ya da bozmalar neticesinde yaşama içün uyğun olmağan ve tazminat arizasını, hususan Elektron hızmetler tek devlet veb portalı vastasınen bergen vatandaşlar.

Ödeme almaq içün DAK malümatnamesine saip olmaq kererk.

Qaysı vesiqalar kerek?

• Ariza (tesbit etilgen örnekke mücibi);
• kişilik ve Ukraina vatandaşlığını ya da mahsus statusını tasdıqlağan bir vesiqa;
• balanıñ doğğan şeadetnamesi.

Kerekli olsa ayrı şekilde aşağıdaki vesiqalar berilir:

• qanuniy vekiliniñ kişilik vesiqası;
• vekâlet vesiqası;
• balanıñ doğğan şeadetnamesi, bala ve ariza berici arasındaki aile munasebetini tasdıqlağan bir vesiqa.

Kim hitap ete bilir?

• 14 yaşından büyük kişi vesiqalarını şahsen berir;
• kişi 14 yaşından kiçik olsa, areketsiz ya da qısmen areketsiz olsa, qanuniy vekili (ana-babası ve ögey ana-babası) vesiqalarını berir;
• öksüz balalar, ana-babasınıñ vasiyliginden marum etilgen balalar yerine, balanıñ qoyğanı müessiseniñ reberi ya da qanuniy vekili (vasiylerinden biri, ögey ana-babası, ana-baba terbiyecisi) hitap eter;
• ana-babası/vasiyleriniñ ozğarmasız kelgen 14 yaşından kiçik bala yerine, balanıñ yaşağanı aqrabası ya ögey ana-babası arizanı berir. Aqrabası olmasa, vasiylik organınıñ vekili arizanı berir.

Ne yerge hitap etmek mümkün?

• Rayon devlet memuriyetleriniñ ealiniñ içtimaiy qorçalanması organlarına ya da yerli öz idare organlarına;
• köy, qasaba, şeer şuralarınıñ icra organlarına;
• “Diia” portalınıñ mobil qullanması vastasınen ariza bermek mümkün.