Añlaşma Ukraina ve Moldova Cumhuriyetinde berilgen tasil ve ilmiy dereceler aqqında vesiqalarnıñ qarşılıqlı tanınmasınıñ esaslarını belgiley. Añlaşmanıñ şartları, ocalarnıñ ihtisasiy kategoriyaları ve pedagogik unvanları aqqında vesiqalarnıñ qarşılıqlı tanınmasını da közde tuta.

Ukraina vatandaşlarınıñ çetelde bulunması meseleleriniñ çezilüvine bağışlanğan oturışta haber etildi. Tedbir Ukraina Prezidenti Ofisi reisiniñ muavini İrına Vereşçuknıñ yolbaşçılığında olıp keçti.

Moldova Cumhuriyetine ziyaret vaqtında Ukraina Tasil ve ilim nazirliginiñ vekilleri Moldovanıñ Tasil ve ilim nazirliginen beraberlikte Tasil vesiqaları ve ilmiy derecelerniñ qarşılıqlı tanınması aqqında añlaşmanıñ metnini uyğunlaştırdılar.

Şimdi eki taraf da vesiqanı qabul etmek içün devlet içinde areket eteler. Añlaşmanıñ 2024 senesiniñ soñuna qadar imzalanması beklenile.

Hatırlatamız ki, keçenlerde Ükümet, çetelde çalışqan ukrain ocalarına aylı ödemek içün tecribesini esapqa almağa qarar aldı.