“Rusiye Federatsiyasınıñ Ukrainağa qarşı tecavuzı neticesinde ğayıp olğanlar, arbiy esirler ve esir alınğan vatandaşlar” rezolütsiyasını Avropa Şurası Parlament Assambleyasınıñ vekilleri destekledilerÜkümet portalında bu aqqında haber etile.

Bu vesiqada Assambleya, Rusiye tarafından tutulğan arbiy esirlerni ve vatandaşlarnı acele azat etmege ve olarğa insaniy munasebet köstermege çağıra. Em de işkence ve olarğa yapılğan sert yanaşuvnı takbih ete.

Rezolütsiyanıñ esas noqtaları arasında — Ukraina esirleriniñ tutuluv yerlerine Halqara Qızıl Haç Eyyetine ve BMTnıñ mütenasip mehanizmlerine irişim berilmesi meselesi bar.

Vesiqada halqara gumanitar uquqnı bozğanlar ve qabaatlı olğanlarnı mesüliyetke çekmek kerekligi qayd etildi.

AŞPA azat etilgenlerniñ reabilitatsiya programmalarınıñ müimligini qayd etti. Bundan da ğayrı, Rezolütsiyada halqara toplulıqnı Rusiye tarafından tutulğan bütün ukrain arbiy esirlerini ve vatandaşlarını azat etmesi içün Rusiye Federatsiyasına basqı quvetleştirmesine çağırdılar.