Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ yardımınen şu anda Bukovelde “Azovstal”dan tahliye etilgen 65 mariupollı reabilitatsiya ete.

Mında mariupollılar öz bedeniy ve ruhiy sağlığını tüzeteler. Daa maqbul mütehassıslar insanlarğa farqlı müim kâğıtlarnı vesiqalaştırmağa yardımcı olalar.

Böylece, yerli icra akimiyet organlarınıñ vekilleri, keçenlerde Bukovınağa kelgen tahliye etilgenlerniñ ekinci gruppasına devlet para yardımını, DAK malümatnamesini, tibbiy ve tasil hızmetlerini ve diger müim kâğıtlarnı acele tarzda vesiqalaştımağa yardımcı oldılar.

Mariupollılar, telebeler içün oquv ceryanınıñ teşkil etilmesine dair mesleat ala bildiler.

Aynı zamanda Reintegratsiya nazirliginde bu insanlarnıñ blokadada ve muntazam ateşler astında eki ay yaşağan soñ sakin ve oñaytlı tarzda sağlığını tüzete bilmeleri içün mümkün olğan er şey yaparlar.