Bugün mayıs ayınıñ 16-sında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ, Lehistan Cumhuriyeti Baş naziriniñ Kantselâriyasınıñ Mihalo Dvorçıknen körüşüvi vaqtında Ukrainada Klemens Şeptıtskıy adına fondnıñ yaratılması anons etildi.

Onıñ maqsadı, rus esirliginde olğan qadınlarğa ve cenk vaqtında ana-babasını coyğan balalarğa yardım etmektir. Fondnıñ vazifesi, ukrain askerleriniñ öksüz balalarını destek etmek ve rus esirliginden azat etilgen qadın askerlerge yardım etmek.

«Bu, rus esirliginde olğan ve Ukraina tarafından azat etilgen qadınlarpa yardım etecek Ukrainadaki bir Fondnıñ yaratılma ğayesidir. Olarnıñ, devlet ve işleycek tamam bu Fondnıñ yardımına ihtiyacı bar», – dep İrına Vereşçuk añlattı.

Vitse baş nazirniñ sözlerine köre, eki buçuq ay devamında Ukraina 51 qadınnı rus esirliginden azat etmege becergen.

O da qayd etti ki, Fondnıñ daa bir vazifesi, rus tecavuzı neticesinde ana-babasını coyğan balalar üzerinde vasiylik yapmaq olacaq.

«Fondnıñ daa bir çalışma yönelişi, yazıq ki, bu qorqunç ve merametsiz cenkte ana-babasını coyğan balalardır. Birinciden çeğına yetkenge qadar aylıq para yardımı, reabilitatsiya, raatlıq vb. olacaq», – dep memur qayd etti.

İrına Vereşçuk, şu anda Lehistanda bulunğan er bir ukrainalığa çoq taraflı yardım içün leh ortaqlarına ve muntazam yardım içün Ukraina Ükümetine teşekkür bildirdi.