Mayıs ayınıñ 16-sında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, BMT İnkişaf programmasınıñ (BMTİP) Daimiy vekiliniñ vazifesini yapqan Manal Fuaninen körüşti.
Taraflar, Reintegratsiya nazirliginiñ prioritetli yönelişlerini ve cenkten zarar körgen bölgeleriniñ yañıdan qurulmasına ve destek etilmesine dair işdeşliginiñ yönelişlerini muzakere ettiler.
Bu cümleden, BMTİPnıñ minasızlaştırılma, bozulğan binalarnıñ markalaştırılması içün interaktiv platformanıñ yaratılması ve olarnıñ yañıdan qurulmaq mümkünligi aqqında laf ettiler.
Hatırlatamız ki, Vitse baş nazir İrına Vereşçuknıñ, Lehistan Cumhuriyeti Baş naziriniñ Kantselâriyasınıñ Mihalo Dvorçıknen körüşüvi vaqtında Ukrainada Klemens Şeptıtskıy adına fondnıñ yaratılması anons etildi.
Fondnıñ vazifesi, ukrain askerleriniñ öksüz balalarını destek etmek ve rus esirliginden azat etilgen qadın askerlerge yardım etmek.