“Kiçik ve orta biznesni desteklev mektebi” 4.0 leyhası çerçivesinde 2024 senesi boş aynıñ 2-nden 2025 senesi kiçik aynıñ 8-ne qadar Jıtomırda teşebbüsçilik faaliyetini alıp barmaqnen bağlı treningler keçirilecek. Jıtomır şeer şurasınıñ saytında bu aqqında aytıldı.

 

Oquvğa em başlanğıç, em de amelde olğan iş adamları qoşula bileler. Hususan, iş ğayesi olğan ve Jıtomır vilâyetinde yaşağan DAKler qoşula bileler.

 

Leyha 4 ay devam etecek, modul sisteması boyunca (1 modul — 2 kün: Cumaertesi ve Bazar künü, moduller arasında 1-3 afta olacaq). Dersler tek raatlıq künleri keçirilecek.

 

Umumen olaraq, programma aşağıdaki modullerden ibaret olacaq:

• 2024 senesi boş aynıñ 2-3-nde “İş faaliyetine kirüv”.
• 2024 senesi boş aynıñ 23-24, “Taqım”.
• 2024 senesi ilk qış ayınıñ 14-15 “Satışlar”.
• 2025 senesi qara qış ayınıñ 11-12, “Marketing”.
• 2025 senesi kiçik aynıñ 1-2-de “Leyha idare etüv”.

 

Dersler devamında diñleyiciler esas biznes modelleri, marketing ve hadimler saylavı, esabatlarnen çalışuv, emek qanunları ve ilâhre aqqında bilgi ala bileler.

 

Oquv müddeti devamında başqa şeerlerden kelgen iştirakçilerge Jotomorda mesken berilecek. Ders yerlerine ve ders vaqtında aşayt masrafları iştirakçiler içün berilmey. Oquv modullerine barmaq mecburiy.

 

Leyhada iştirak etmek maqsadınen ariza bermek içün bağlantı qullanılmalı. Qayd etüvniñ soñki künü — 2024 senesi orta küz ayınıñ 22-si saat 18:00.

 

Leyha aqqında sualllerni [email protected] adresine “MSB mektebi” saifesinde yazıp yollamaq mümkün.

 

Leyha “Mondo” cemaat teşkilâtınıñ (Estoniya) desteginen ömürge keçirile.