Birleşken Milletlerniñ qaçaqlar agentliginiñ (BMniñ Qaçaqlar hızmetiniñ) qış mevsiminde bazı eali kategoriyalarına para yardımı berüv programmasını maliye etmek içün qoşma 7 million dollar ayırıla. Böylece, programmanıñ umumiy büceti 37 million AQŞ dolları olacaq.

Bu programma çerçivesinde Çernihiv, Sumı, Harkiv, Luhansk, Donetsk, Zaporijjâ, Dnipropetrovsk, Herson ve Mıkolayiv vilâyetleriniñ zarar körgen ev haneleri içün 21 biñ grivna miqdarında bir kerelik ödeme yapılacaq.

Prezident ofisiniñ yolbaşçısınıñ muavini İrına Vereşçuk halqara donorğa 2024/25 seneleri qızdıruv mevsiminde ealige destek köstergeni içün teşekkür bildirdi.

“UNCRe, cebe tarafındaki sakinlerge kerekli ve vaqtında yardım köstergeni içün teşekkürler bildirem. Orta küz ayınıñ soñuna qadar ealige para berilmesi planlaştırıla. Olarnı teşkerilgen 20 biñden çoq evden almaq kerek. Bu programmanıñ maliye etilmesiniñ arttırılması sayesinde biz 2024/25 seneleri qızdıruv mevsimine yardım etmek içün daa çoq ev saibini celp ete bilecekmiz”, — dep Şarqiy Ukraina DAK Şuraları forumında brifing devamında İrına Vereşçuk qayd etti.

Hatırlatamız ki, 2024 senesi arman ayınıñ 21-nde ReNazirligi ve Ukraina UNCR nevbetteki qış vaqtında cebe yanındaki cemiyetlerge qol tutuv aqqında memorandum imzaladılar. Añlaşmanı İrına Vereşçuk ve Ukraina UNCRniñ temsilcisi Karolina Lindholm Billing imzaladılar.