2024 senesine devlet bücetinde mektep yemekhaneleriniñ yañartıluvı ve mütenasip donatmalarnıñ satın alınması leyhalarını yerine ketirmek içün 1,5 milliard grivna ayırıldı.

Bu leyhalarnıñ ömürge keçirilüvi Ukraina Prezidentiniñ Ofisi reisiniñ muavini İrına Vereşçuknıñ yolbaşçılığında keçirilgen oturışta muzakere etildi.

Tedbirde ReNazirligi, Tasil nazirligi, Maliye nazirligi, Devlet hazinesi, vilâyet arbiy memuriyetleri ve topraq cemiyetlerniñ vekilleri iştirak ettiler.

Nazirler şurasınıñ qararınen 159 leyhağa para ayırıldı. Para cemiyetlerge, olarnı inkişaf ettirmek içün berildi.

Bu leyhalarnıñ çoqusı “temel aşhane” (bir mektepke aşayt temin etken mektep yemekhanesiniñ standart modeli) ve “sıñır aşhanesi” (bir qaç oquv yurtuna aş pişirüv temin etken) tehnologik modelleri kirsetilmesini közde tuta.

Oturış devamında, BMniñ eyyetiniñ işiniñ neticeleri esasında, Nazirler Kabinetiniñ mütenasip qararına deñişmeler azırlanğanı bildirildi. Olar, mektep yemekhanelerini yañartmaq içün 173 leyhağa 1,5 milliard grivna ayırmağa planlaştıralar.