Ziyaret devamında Birinci hanım Olena Zelenska, Prezident Ofisiniñ reisiniñ muavini İrına Vereşçuk, vitse baş nazir Oleksiy Kuleba, Sağlıq naziri Viktor Lâşko ve Ükümet, vilâyet arbiy memuriyetleriniñ başqa vekilleri iştirak ettiler. Bundan da ğayrı — Ukrainadaki Birleşken Milletlerniñ Balalar Fondunıñ (UNICEF) Temsilciliginiñ yolbaşçısı Munir Mamedzade ve DECIDE İsviçre-Ukraina leyhasınıñ temsilcisi ziyaretke qatıldılar.
Anda mektep aşınıñ islâatını amelge keçirmek içün üç model kirsetile: temel aşhane, destek aşhanesi ve fabrika aşhanesi. Temsilcilik, olarnıñ işinen tanış olmaq içün bir sıra müessiselerni ziyaret etti.
Avangard litseyinde muvafaqiyetli şekilde çalışqan mürekkep aşhane modeli aman-aman 400 balanı sıcaq aşnen temin ete. Bu, tek bu mektep talebelerine degil de, öz aşhaneleri olmağan cemiyetniñ başqa oquv yurtlarına da aittir.
Prilimanskıy litseyinde aşhane ve yemekhaneniñ tamir işleri devam ete, soñra mında temel aşhane kirsetilecek. Balalar vaqtınca Avantgard litseyinden azır aşlarnı alalar.
Bundan ğayrı, vekiller “Karamelka” bala bağçasını ziyaret ettiler, anda endi 90 bala içün er kün dört kere aş temin etken temel aşhane çalışa.
Mektep aş mütehassıslarınıñ azırlanmasına ayrı diqqat ayırıldı. Vekiller Odesa zenaat-tehnikiy tasil merkezini ziyaret ettiler, anda aş pişirüv merkezi çalışa. O yerde aşçı studentleri tasil alalar, mektep aşhaneleriniñ hadimleri de yañıdan tasil alalar.
Bundan da ğayrı, matbuat turınıñ iştirakçileri içün eki başqa merkeznen teleyaylın köprü teşkil etildi: Tuna ihtisasiy tasil merkezi ve Şimaliy ihtisasiy tasil merkezi, anda bir yıl devamında tasil müessiseleriniñ aş bloklarınıñ 800-den çoq hadimi tasil aldı.
Mektep aşayt islâatları aqqında Facebook, Telegram ve “Bilemiz” saytlarında daa çoq malümatnı oquñız.
İslâatnıñ amelge keçirilmesiniñ şimdiki neticelerinen malümat grafikasında tanış olmaq mümkün.
Hatırlatamız ki, mektep aşınıñ islâatı Ukraina Birinci hanımı Olena Zelenskanıñ teşebbüsinen ve Ukrainadaki Birleşken Milletlerniñ Balalar fondunıñ (UNICEF) desteginen amelge keçirile.