“Öz işi” programması çerçivesinde 25 yaşına qadar ukrainler öz biznesini açmaq içün grantlar almaq içün ariza bere bileler. Ükümet portalında bu aqqında haber etildi.

Genç iş adamları “Grant for own cause” bölüginde Diia portalında ariza bere bileler.

Gençler içün programmada yañı iş yerleriniñ yaratılması şartı yoq. Berilecek grant aqqında müsbet qarar alınacaq soñ, FOPnı açmaq kerek.

Qayd etilgenine köre, üç yıldan soñ iş adamları, “Öz işi” programması çerçivesinde devletten daa bir grant ala bilirler. Bugün eñ az eki iş yeri yaratılsa, 250 biñ grivna grantı berilir.

İşbu programmanıñ eki yıldan çoq devam etkeni içün iş adamları devletten aman-aman 5 milliard grivna miqdarında 20 biñ grant aldılar.